كوسة بالبشاميل النباتي

وصفة: نانسي شهدي

المقادير:
1. العصاج: - 1 بصلة كبيرة مقطعة مكعبات صغيرة.
- 2 باذنجان مقطعة أيضاً مكعبات
- عصير طماطم فريش
- توابل متنوعة على حسب الرغبة (فلفل أسود، زعتر، ورق لور، كمون، سماق، جوزة الطيب)
2. البشاميل: (كما عرضه الكثيرين مثله مثل الصوص اﻷبيض) لكن اللي عملته أنا: 2 بطاطس مسلوقين مع بصلة مسلوقة ورشة فلفل مضروبين في الخﻻط بمياه السلق.
3. كوسة مقطعة شرائح وسط (على اد الكمية بقى).

الطريقة:
1. تشوح البصلة في معلقة صغيرة من الماء (ايون الماء...) لغاية ما تدبل شوية، ثم يضاف إليها الباذنجان ويشوح أيضًا، ثم عصير الطماطم وتضاف التوابل..
2. بعد غليان العصاج؛ نهدي النار خالص ونسيبها تستوي في بعضها.
3. نجهز البشاميل (مثلما ذكرته في المقادير)..
4. نبدأ في رص الصينية (يفضل غير ﻻصقة)؛ طبقة كوسة ثم نتبلها برش عليها فلفل أسود وزعتر (اﻷوريجانو)، ثم طبقة من العصاج (الباذنجان)، ثم رشة صغيرة من البشاميل..
5. تكرر العملية؛ ثم نغطي آخر طبقة بكمية وفيرة من البشاميل..
6. توضع في الفرن حتى يحمر الوجه.
وبالهناء والشفاء... أنا قولت أذوقهالكم قبل ما أشاركم بيها... أنا عن نفسي عجبتني قوي

- أفكار أخرى:
* ممكن استبدال الكوسة بقرنبيط مسلوق نصف سوا، أو بطاطس مسلوقة شرائح أو مهروسة، أو مكرونة مسلوقة.
* ممكن استبدال العصاج بأي خضار مشكل بطماطم.
أكيد انتوا هتبدعوا في أفكار مختلفة