اسمي احمد شاهين .. عندي 30 سنه ... مدخن شره .. وزني في 2015 وصل من 85 ل 100 كيلو ... بدات اكون تقيل الحركه .. بدات اكون مش عارف اتنفس ..بدات احس اني تعبان ومجهد علطول اي مجهود كان بيتعبني ... حصلتلي ظروف قويه اوي كان من ضمنها وفاه والدي وانا كنت مسافر وظروف تانيه بدا الامر يسؤ معايا وبدات ازيد اكتر .. وبدات افقد الامل في الحياه وفي الناس .... وكان من جوايا نفسي ارجع زي الاول وكنت مش عارف ابدا منين .. بدات الاول اني العب رياضه بس كنت بقطع مش بعرف استمر .. من 6 شهور تقريبا سمعت عن نظام انك تكون شخص نباتي طبعا ضحكت اوي وقلت ايه الهبل ده ... لحد ما قابلت دكتور وقلتله انا عايز اعمل رجيم قاسي لاني حاسس اني تعبان جدا وديه كانت البدايه ..
دخلت في النظام وبدات في الاول التزم وبعد كده اتخنات منه .. وسبته بس لما سبته قارنت بين الوضع الاول والوضع التاني لقيت ان وضع النباتي كان مريحني نوعا ما .... دخلت في الموضوع تاني من 62 يوم ونفذته بحذافيره .... وحاليا انا مش تقيل الحركه .. انا حاسس اني بصحتي ... انا حاسس ان نفسي احسن .. انا بلبس الي انا عايزه ... انا ثقتي زادت في نفسي .... انا خسيت 8 كيلو خلال الست شهور ... ولما نفذت النظام صح انا خسيت 16 كيلو ... انا وزني 75 كيلو وطولي 171 ..... انا سعيد ... انا بشكر ربنا والظروف والناس الي وقفت جمبي وانقذتي من المستنقع الي انا كنت فيه .... انا بشكر ربنا انه نجاني من القذاره الي كانت في حياتي .... صحتك هيه الي هتخليك تعمل كل حاجه وتوصل للي انت عايزه ......خلي عندك الشجاعه وبص لنفسك في المرايه وقول انا مش عاجبني نفسي وهتغير غصب عن اي حد ومهما اي حد كسرني مش هفقد ثقتي ف نفسي .... هتغير وللاحسن
تحياتي احمد شاهين