بقلم: رضوى ربيع
يمكن 70-80%. نظام الاكل النباتي اللي اتبعته بمتاعبة صفحة RawTillWhenever (الصفحة كلها وصفات وتجارب حياتية) و كتابات ومحاضرات الدكتور McDougall اللي بيشجع النشويات تماما وكله بأدلة طبية وتاريخية يطول شرحها.
أنا كنت نباتية Vegetarian لمدة عشر سنين تقريبا يعني كنت باكل لسة ألبان وأجبان وقليل سمك. لكن من شهر أغسطس اللي فات اتحولت Vegan يعني منعت كل منتجات الحيوانات تماما وبدأت أتبع نظام High Carb Low Fat يعني نظام نباتي مرتفع النشويات وقليل الدهون. ومن ساعتها خسيت ما بين 7-8 كيلو في خلال ستة شهور من غير ما احاول اخس!
ماكنتش بألعب رياضة وماكنتش بأقلل كميات الاكل وكنت باكل متأخر!! لكن فجأة اكتشف اني خسيت!! وبدأت الناس تلاحظ من حواليا! في الفترة الجاية هاحاول انتظم اكتر في الرياضة وكميات الاكل عشان اخس. بس مش هامنع نفسي ولا هاعد السعرات! النظام ده قائم على انك تاكل لحد ما تشبع ما دام بتاكل اكل طبيعي غير مصنع ونباتي قائم على النشويات والحبوب والبقوليات والخضار وجسمك هيضبط نفسه بنفسه. الاكل ده بيخليني سعيدة، مش متظربنة ولا متعصبة عشان محرومة! بالعكس...بأدب تلات اربع بطاطسيات حلوين اخر حاجة وبأبقى مش قادرة اخلص!
ملحوظة: تحاليل الدم بتاعتي تمام...الانيمايا اختفت، لأول مرة منذ سنين يعدي الشتاء من غير ما اضطر اخد مضاد حيوى عشان البرد في حين ان ده كان طقس طبيعي بمعدل تلات او اربع مرات في السنة! لا اخد مكلمات غذائية اطلاقا باستثناء b12