بقلم: أشرف الترحوني
وكتير كنت اخد دواء Nexium40 قبل الاكل او بعده عشان الحموضة الرهيبة والكُحة الجافة اللي تصيحني من النوم او تفضل ملزماني بشكل مزعج
الحمدلله من أسبوعين مش باخد الدواء لان مفيش reflux
لاحظت ان الصداع النصفي خف جداً بعد ما كانت حبوب الاميجران أساسي في شنطتي وبيتي مش فاكر اني اخدت غير حبة واحدة الفترة اللي فاتت بعد ما كنت باخد 6-8 حبات في الاسبوع
بالنسبة للجوع وإدمان الحلويات والشوكولاتة تقريباً انتهى
ربنا يديم علينا الصحة ويقوينا يارب
تعديل بسيط
بالنسبة للصداع النصفي عشان اللي مش متخيله انا كنت ممكن اخد حقنة مسكّن فولتارين في نهار رمضان بسببه وبكل اسف فطرت يوم في رمضان على حبوب الاميجران لاني كنت بره مصر لان الصداع كان ممكن يستمر 10-12 ساعة وبعد فترة الدواء مش حيأثر فيه فكان لازم أفطر
اما الارتجاع المريئي فأخف أضراره هي الحموضة الشديدة والكحة الجافة بالليل اللي تحرمك حرفياً من النوم اما لو مش حتلتزم فعلياً بكلام الدكاترة فالمريض بيعرض نفسه لسرطان المرئ او المعدة والكلام ده انا سمعته من دكاترة أوربيين بعد ما عملت منظار على المعدة
ربنا يشفي كل مريض
تعديل تاني مهم
انا مش باقول اني خفيت من مرض Reflux انا بس مش بعاني منه زي الاول لأن الشفاء التام منه موضوع تاني خالص.. وده ما اظنش يتحقق بالنظام بتاعنا لانه موضوع مورفولوجي في صمام موجود في المعدة انا بتكلم عن الأعراض السخيفة بتاعته
يارب يكون كلامي مفيد واحيرا انا مش دكتور انا مريض من 10 سنين بس