بقلم: Mostafa Amin Huga
كل واحد مختلف، يمشي علي الي يريحه و الي يقدر عليه.
احب اشارك معاكو تجربتي انا كنت مدمن سكر في الشاي و النسكافيه، ملح و شيبيي، بيبسي كنت بخلص 2 لتر في اليوم و شوكولاتة و فطري ووزني في اولي ثانوي وصل 120 و طولي 173 و كان صحتي في الضياع و كنت داخل على بداية حاجة اسمها asthmatic bronchitis ربو يعني. فطبعا كنت لازم اغير السكة ديه.
اخدت قرار و منعت حاجات لحد دلوقتي مبطلها من 2003 الملح، السكر في الشاي، البيبسي و لحمة حمرا. روحت الجيم مع الكلام ده ووزني نزل و فضل في حدود 97 - 103 لحد 2013.
في 2014 كنت بروح الجيم كتير اوي بس كنت باكل فراخ و مكرونة. وزني منزلش كيلو ولون صحتي بقت احسن بس وزني و شكلي في المرايا متغيرش كتير.
في اوخر 2014 شوفت فيديو لصديق باسم يوسف اسمو نادر منتصر وازي النظام ده ساعده في مواجهة المرض بتاعه و فؤاد النظام عجبني الفيديو بس مغيرتش حاجة في اكلي.
في 2015 جالي شغل بره مصر و اضطريت ابعد عن عيلتي و عن اي ارتباط موجود في مصر. في ثالث اسبوع في يوم جه و افتكرت الفيدي بتاع نادر و حسيت انا بين اختيارين الاول اجيب الاكل السهل برجر، فراخ و نجتس او الثاني ابقي نباتي بس الصراحة مش Pbd فضلت اكل جبنة لبن و شوكولاته.
انا اخترت الاختيار الثاني من الحجات الساعدتني الصراحة كنت زهقت من الفراخ اما تفكر فيها الفراخ و اللحمة ملهاش طعم زي مبيقولو Flat الطعم بيجي من الزيت و الزبدة و التوابل . في البداية كنت بلطش كنت مركز علي مكرونة خضار جبنة و عيش و كنت بسمع كلام غير مشجع خالص من الناس المعايا في الشغل بس برضو عملت الفي مزاجي وكمان رجعت الجيم بس مش كتير، بعد كده مرحلة المكرونة و الجبنة خلصت و دخلت علي مرحلة المعلبات فول و مشروم و بنجر و قلب النخل و فصوليا كانت مرحلة حلوة لحد قريب اما شوفت بوست لمصطفى حلمي علي ان المعلبات مش صحية و قريت في شوية مواقع عن كمية الملح و المواد الحافظة. فبداءت اغير و اكل الخضار فريش شوية زي مهو و شوية معمول في الميكرويف بس لحظت حاجة الطعم بتاع الاكل حلو و كل مبقطع الخضار كبير بسطعم الاكل اكثر. خلال 2015 كل شهرين باخد اسبوع تغيير باكل فيه اي حاجة في دماغي منا مش ملاك برده. انا اساسا في اخر يوم من الاسبوع ده دلوقتي و ضارب نص فطيرة شوكولاته لوحدي مش هنزل الصورة عشان الناس البتتعب. ولوني بزيد جامد في الاسبوع ده حوالي 5 كيلو بس بطلع مبسوط، اول حاجة الشره الفي دماغك بيروح، الفراخ طعمها مبيبقاش حلو زي الاول، مبتقدرش تاكل كتير و الاكل المش صحي ده بيتعبك، فبتحس الكان بيتعمل في الشهريين القبليهم كانو صح و بيبقي داخل علي الشهريين الجداد بنفس و عزيمة حلوة. انا الصراحة مقرر الشهريين الجايين اجدد و ابطل اللبن و الشوكولاته اخر حاجتين عشان ابقي ماشي علي PBD بالكامل.
انا دلوقتي 83 كيلو يعتبر اقل وزن شوفتو في حياتي ولوني لحد دلوقتي مش معتبر PBD نظام تخسيس انا حاسو اسلوب حايه و بيخسس.
انا حبيت اشارك معاكو حكايتي ووجهة نظري ده مش كتاب دين لازم نمشي عليه بالحرف. في ناس هتعرف تمشي عليه بالكامل و ناس هتاخد حاجات منه و كلو كويس ده مش امتحان.
اسف علي البوست الطويل و الغلطات الاملاءية smile emoticon
اخيرا احب اشكر Mostafa Helmy و Bassem Youssef و صاحبه نادر علي مجهودهم في نشر فكر PBD و مساعدة الناس انها تفهم