بقلم: مصطفى حلمي
الكحول هو تاني أكبر تركيز للسعرات بعد الدهون...جرام الدهون فيه 9 سعرات..جرام الكحول فيه 7 في حين إن جرام البروتين وجرام الكاربوهيدرات فيهمم 4 سعرات فقط.
تاني حاجه، الكحول عادة بيضاف له سكر..أي Liqueur بيبقى مضاف له كمية سكر كبيرة..وفيه حاجات زي الBailey's مضاف لها كريمه وتركيز السعرات فيها جنوني 150 سعر في 40 مللي..اللي هو نفس السعرات اللي موجوده في كان بيبسي كامله 330 مللي!
باقى أنواح الخمور كلها من أول البيرة والنبيذ للفودكا للويسكي لغاية الساكي واي حاجه غريبة ممكن تكون بتشربها هي في الآخر أكل محسن أو مصنع...والنظام بتاعنا إحنا بناكل فيه Whole Foods فكل الكلام ده مش معانا.
بس زي كل حاجه تاني مش مسموحه في النظام..لو هتوقفك عن إنك تعمله..يبقى على الأقل قللها..مره كل كام يوم أو كل إسبوع..وإستفيد من باقي جوانب النظام وماترميهوش كله لمجرد حاجه مش قادر تبطلها.