وصفة: منة الجبروني
ايه اللي في الصورة ..
طيب ..
دي حاجة جربتها و ف يوم واحد بس جابت نتيجة ..
و بما إني في تخصص تغذية علاجية هقولكم هي ايه ..
دي إزازة مية .. جواها قطع لمون و خيار و ورق نعناع ..
دي كفيلة انها تنقي الجسم كله طول اليوم ، و تخسس و تدي طاقة ، و تظبط ضغط الجسم ، و تعيد للجسم نضارته و صحته ، و يبطل ينسى بدل ما احنا خلاص قربنا ندخل ع الزهايمر و نعجز بسبب اننا بنسى نشرب مية ..
نفسيًا ، الألوان اللي جوا المية دي هتشدك انها تبقى جنبك دايمًا .. حتى لو نسيتها هتلاقي العقل بيقول كان في حاجة ملونة كانت معايا و هترجع تجيبها تاني ..
في الأول في مرارة بسبب قشر اللمون ، بس بعدين مرة ف مرة الطعم يتعدل و هيتخفف مع كل مرة تملى فيها الإزازة ..
هتلاقي انك بتشرب مية بكميات كبيرة .. و هو ده المطلوب ..
طيب الإزازة دي ممكن نحط جواها ايه كمان .. ممكن نحط برتقان ، كرفس ، بقدونس ، اناناس ، كيوي ،خيار ، نعناع ، لمون .. الحاجات اللي تدي طاقة دي 😃 ..
متكدسوش الإزازة لاننا عايزين نحط مية كفاية، كل شوية ننوع في الألوان و الأنواع ..
نبدلها بالمنبهات اللي بنشربها كل يوم ..
دي أفيد و بتدي طاقة و هتنهي الخمول .. و كل عضو هيشتغل بالكفاءة بتاعته 👌..
المية هي الحاجة الوحيدة اللي مهما شربنا منها هتفيد ..
ف الأول هتحس بوجع في الجانبين .. عادي ، مرة ف مرة هتبقى أحسن 😃 ..
* الأفضل نستخدم إزاز بلاش بلاستيك عشان التفاعل يا جماعة