بقلم: داليا منصف
اول مرة عرفت PBD من بوست Mostafa Helmy ومع اني طول ما انا على الفيس بقابل أنظمة أكل بكل الأشكال وبعديها بس لما شوفت النظام ده حسيت انه ممكن وبعدها شوفت لقاء Fayrouz Nasser Eid مع منى الشاذلي لقيته جيه تاني قدامي وفرحت لما اتكلمت عليه ...
دورت كتير على النت قبل ما أقرر علشان أفهم اكتر وطبعا المحتوى العربي عن PBD مش كتير بس في عن النظام النباتي المهم بعد بحث كتير حسيت اكتر انه ممكن واقتنعت بفوايده الصحية ... قررت اني اجرب لمدة شهر واشوف ...
التزمت بكل حاجة بالضبط وقطعت كل الممنوعات مرة واحدة وفي الأول قبل الجروب ده كنت بلاقي صعوبة في الوصفات وكان عندي أسئلة كتير كنت بدخل بروفايل مصطفى حلمي كل يوم استناه يكتب حاجة عن النظام أو معلومة جديدة ويوم ما عرفت ان الجروب اتعمل في أول يوم ليه طبعا فرحت جدا جدا 😃😃 كل حاجة كنت عايزة أسأل عليها موجودة وتشجيعكم والوصفات والتجارب اللي بتكتب ✌✌ ...
كل يوم لازم ادخل ومش باسيب بوست من غير ما اقراه وشكرا طبعا لكل واحد كتب حاجة هنا ☺
النهاردة بقى عدى شهر حاسة بفرق عامة في الصحة جدا الحمدلله ... بجد مختلف عن أي نظام أو ريجيم بتحس انك ماشي صح للي يفيد صحتك ... مكنتش باوزن خالص قلت لما الشهر يخلص والنهاردة وزنت وخسيت 11 كجم 😃😃✌ انا لو كنت في الأول بفكر انه للتخسيس فدلوقتي لا ده نظام حياه انت بتختار صحتك أو
لا والصحة تستاهل نبعد عن حاجات مالهاش لازمة غير أنها بتضرنا ...☺
ولسه إن شاء الله هكمل اكييييد 👍💪
انا آسفة اني طولت عليكوا مع إن دي اول مرة اكتب في أي جروب 😃
شكرا جدا أ.مصطفى حلمي ~ عرفتني بحاجة غيرت وهتغير في حياتي كتير
وشكرا جدا د.باسم يوسف اكيد
وشكرا ليكوا كلكوا على كلامكم ودعمكم وتجاربكم ومكملييين 👌✌💪💪
ربنا معانا كلنا يارب