وصفة: توتي حسن
وصفة النهاردة بقه وصفة مصرية أصيلة بشوية تعديلت و انا مروحة النهاردة بابنى من التمرين لقيت راجل عظيم بيبيع فول حراتى و افتكرت ان جدتى كانت بتعمل أرز بفول حراتى
المكونات
1. كوبايتن أرز.
2. كوباية و نص فول حراتى متفصص طبعا و لو مش بتحبوا الفول كتير قللوا منه شويه.
3. مشروم.
4. كارى – كركم- بهارات كبسة.
5. مرقة خضار.
الطريقة
هنفصص الفول يعنى كوباية و نص تقريبا و نغسله و هو لسه مندى كده هنشوحه فى الحلة و هى سخنه لما يبتدى ينزل مياته نحط المشروم و بعدين التوابل ولما تتحمر ضيفوا الأرز يأخد تشويحه و نضيف كوبيتين شوربة الخضار بتغلى على الارز و يتسوى عادى خالص زى أى أرز