بقلم: غادة عبد المنعم
اعز صديقاتي ضافتني للجروب دا
انا بس كنت عايزه اقولكم تجربه شخصيه حصلتلي الشهرين الي فاتو
انا كام مصريه عندي٣٢سنه.. وطفلين بشتغل مسؤله عن عيله شايفه ان احتياجاتهم اهم من صحتي حتي
ومع نظام غذائي مروع معتمد اساسا علي اللحوم والدهون دا غير النسكافيه البلاك الي مكنش بيتشل من ايدي وست سبع فنجاين قهوه ومعدل يورك اسيد محترم ووجع في عظمي اخدله مسكن وابقي تمام
كان صديقي الصدوق المسكنات صداع حبايه بندول مغص اي حاجه في اي حاجه ابلبع حبوب مسكنه
دا غير ان وزني كان زايد ٣٠كيلو عن المعدل الطبيعي ٩٧ كيلو ومحاولات رجيم التزم بيها بلشهور ومخسش غير تلاته اربعه كيلو ازيدهم الضعف اول ما ابطل
نيجي لنقطه التحول الي ربنا اراد انا اتغيرها عشان افهم ان صحتي اهم حاجه لازم احافظ عليها عشان ولادي وان ام مريضه مش هي الام الي ممكن تؤدي دورها معاهم
من شهرين رجلي وجعتني وبما اني ست مصريه اصيله مش اكشف واهتم لا البديل الامن جبت حبوب مسكن قويه للعظم اخدت اول حبايه بقيت تمام بس حسيت معدتي تعبانه 😁 اه نسيت تفصيله انا الطبيعي بتاعي اني علي طول عندي حموضه من اي اكل وطبعا بضرب فوار للحموضه واكمل اكل عادي خالص
تاني حبايه بقي الي كانت فاصله لقيت نفسي مش قادره اخد نفسي ولا قادره ابلع اي حاجه طبعا اجبرت في ساعتها اني اروح لدكتور شخص اني عندي ارتجاع مرئ لان مسكن العظم قوي جدا ومعدتي اساسا تعبانه ومحتاجه اساسا وانا بخده اخد حاجه للمعده اداني علاج وقف مسكنات وقف قهوه ونسكافيه لمده اسبوع التزمت الاسبوع وحسيت معدتي احسن رجعت تاني للعك والنسكافيه دا غير ان جالي التهاب في الاعصاب بقيت باخد علاج اعصاب فجاه جالي خنقه حلق شديده جدا كان حد بيخنقني روحت للدكتور تاني الرجل طق مني قالي تعب المعده بيتعالج علي الاقل في تلات شهور وتفضلي ماشيه علي نظام الاكل دا غير الادويه التانيه بتلهب المعده اكتر حضرتك الارتجاع لهب الحلق جدا ملكيش حل غير شويه ادويه لحد ما علاجك يخلص والاكل يتنظم
اصبحت ممنوعه من كل منتجات الالبان واللحمه الفراخ بكلها علي خفيف ممنوع زيوت وملح بلاش سكر بيتعب جدا ممنوع شاي ونسكافيه ولا بقوليات حتي لحد ما المعده تهدي اصبحت عايشه علي البطاطس بلكمون وشوربه الخضار والمكرونه المسلوقه
اول تلات اسابيع كنت بنهار ضغطي العالي اصبح بيوطي الام مبرحه في جسمي كله مبقومش تقريبا من السرير تقريبا كنت بموت بدات اتحسن اول ما افكر اعك الاقي خنقه الحلق رجعت اتراجع علي طول
خلال شهرين بقيت ٧٩ كيلو وشي الي كان مسمر بشكل غريب وفيه حبوب رغم مرضي شكله بقي احسن كتير بدات انواع في طرق الاكل النباتي عشان اكله معدتي اتحسنت بنسبه ما لكن مش قوي عشان الادويه التانيه الي كنت بخدها خدت عهد علي نفسي ان شاء الله بعد ما اخف مفيش حبايه مسكن تدخل بقي تاني كنت حزينه جدا علي نفسي وانا ٣٢سنه ودي حالتي مش قادره حتي اخلي بالي من ولادي
صحبتي ضافتني للصفحه الجميله بتاعتكم حبيت اشاركم بتجربتي في المشي علي نظامكم بس غصب عني مش بمزاجي 😁
انا ممتش منه معدتي بدات تتحسن معدل اليورك بدا ينزل مبقتش انهج من سلمتين
ناويه ان شاء الله لما ربنا يكرمني بلشفاء الكامل استمر عليه
صدقوني اصعب حاجه ربنا يكتبها علي حد المرض وخصوصا وهو شاب بتحس بعجز فظيع
ربنا ادنا علاجنا في ايدنا نمشي عليه بس بنكسل وبنستهون بصحتنا لحد ما نفوق علي مشاكل جامده جدا ممكن نبعد عنها بحاجات بسيطه
ادعولي ربنا يشفيني شفاء تام من الارتجاع ومن شويه امراض تانيه الحمد لله
وعلي فكره دا نظام جميل جدا