وصفة: سو أسامة
كل اللى هنحتاجه سودانى متحمص بدون ملح هنقشره و هنضربه فى الكَبّه أو Food Processor
بدون إضافة أى زيوت ، هنضرب شويه هنلاقى السودانى بيتكسر و بيلزق على الجوانب ، هنفتح الكَبه و ننزله من الجوانب شويه بشويه هيكون بدأ يخرج الزيوت الطبيعيه اللى فيه و يتحول لكريمه و حسب لو إنتوا عايزينه كريمى أوى هتستمروا فى الضرب و لو عايزينه Crunchy يعنى بقطع سودانى صغيره هتوقفوا ضرب .. كده هيكون عندكم زبدة فول سودانى بدون أى إضافات
فيه إضافات إختياريه حسب رغبتكم :
- كاكاو خام طبيعى ١٠٠٪ بدون سكر
- قرفه
- زبيب
* اللى فى الصوره عملتها بالكاكاو و قرفه فقط