وصفة: سو أسامة
المكونات:
- ١ كوب جوز هند مبشور زى اللى فى الصوره
- ٤ كوبايات مايه بارده
- ٥ تمرات (اختيارى)
الطريقة:
- هناخد جوز الهند و التمر و نسيبهم فى المايه ساعه كامله (هنقلبهم كويس فى المايه و نغطيهم)
- بعد ساعه هناخدهم و نضربهم فى الخلاط لمدة ٦٠ ثانيه
- بعد كده هنصفيهم كويس و هناخد اللبن نسيبه فى الثلاجه لتانى يوم بدون ما نستعمله
- تانى يوم الدهون اللى فيه هتتجمد على الوش و هيبقى سهل نفصلها عن اللبن
و بكده هيكون عندنا لبن جوز هند بدون سكر او دسم او مواد حافظه